Тар екі жолақты жолда Сіз қарсы келе жатқан автомобильмен соқтығыстыңыз. Екі автомобиль де жолдың жүру бөлігін бөгеп қалды, басқа көлік құралдарының жүруі мүмкін емес, кептеліс пайда болды. Ішкі істер органдарының қызметкерлері әлі келген жоқ. Автомобильдерді жүру бөлігінен алып кетуге Сізге рұқсат етіледі ме?
Авторы: Бауыржан Бакибаев, BaurAI · Жаңартылды:
Жоқ, ішкі істер органдарының қызметкерлері келгенге дейін автомобильдерді қозғалтуға кез келген жағдайда тыйым салынады.
Иә, бұл туралы жақын жердегі ішкі істер органына телефон арқылы хабарласа жеткілікті.
Иә, бірақ алдын ала куәлардың қатысуымен автомобильдердің орналасуын, оқиғаға қатысы бар іздер мен заттарды белгілеп, оқиға болған жерді айналып өтуді қамтамасыз ету керек.
Иә, егер екінші жүргізуші автомобильдерді қозғалтуға қарсы болмаса.
Дұрыс жауап: Иә, бірақ алдын ала куәлардың қатысуымен автомобильдердің орналасуын, оқиғаға қатысы бар іздер мен заттарды белгілеп, оқиға болған жерді айналып өтуді қамтамасыз ету керек.
Неге бұлай
Жол-көлік оқиғасы салдарынан басқа көліктердің жүруі мүмкін болмаса, жүру бөлігін босатуға міндеттісің. Бірақ алдымен куәлардың қатысуымен автомобильдердің орналасуын, іздер мен заттарды белгілеп, оларды сақтап, айналып өтуді қамтамасыз ету керек. Қақпан — «ешбір жағдайда қозғалтуға болмайды» деген нұсқа: қағида тұйық кептеліс жасауды талап етпейді.
8) жол-көлік оқиғасы кезінде оған қатысы бар жүргізуші: Осы Қағидалардың 7-тарауы 45-тармағының талаптарына сәйкес көлік құралын дереу тоқтатуға (орнынан қозғамауға), авариялық жарық сигнал беруін қосуға және авариялық тоқтау белгісін (жанып-сөнетін қызыл фонарь) қоюға, оқиғаға қатысы бар заттарды қозғамауға; зардап шеккендерге дәрігерге дейінгі медициналық көмек көрсету үшін ықтимал шараларды қолдануға, жедел медициналық жәрдем шақыруға, ал шұғыл жағдайларда зардап шеккендерді жол-жөнекей көлікпен жөнелтуге, егер бұл мүмкін болмаса, өзінің көлік құралымен жақын жердегі емдеу мекемесіне жеткізуге, өзінің тегін, көлік құралының мемлекеттік тіркеу нөмірі белгісін хабарлауға (жеке басын куәландыратын құжатты немесе жүргізуші куәлігін және көлік құралына берілген тіркеу құжатын көрсете отырып) және оқиға болған жерге қайтып келуге; Осы Қағидалардың 1-тарауы 8-тармағында көзделген жағдайларды қоспағанда, болған оқиға туралы жақын жердегі ішкі істер органына дереу хабарлауға, оны көргендердің тектері мен мекенжайларын жазып алуға және ішкі істер органдары қызметкерлерінің келуін күтуге; егер басқа көлік құралдарының жүруі мүмкін болмаса, жолдың жүру бөлігін босатуға; жолдың жүру бөлігін босату қажет болған кезде оқиғаға қатысы бар көлік құралының орналасуын, іздер мен заттарды куәлардың қатысуымен алдын ала белгілеп, оларды сақтауға барлық ықтимал шараларды қолдануға және оқиға болған жерді өзгелердің айналып өтуін қамтамасыз етуге міндетті. Мотоциклді немесе мопедті басқару кезінде жүргізушілер түймеленген мотошлемде болады және түймеленген мотошлем кимеген жолаушыларды тасымалдамайды.
