Көлік құралдары жүргізушілерінің белгіленген қозғалыс жылдамдығын асыруы әкімшілік жаза қолданылғаннан кейін бір жыл ішінде қайталап жасалса, мыналарға әкеп соғады:
Авторы: Бауыржан Бакибаев, BaurAI · Жаңартылды:
10 АЕК мөлшерінде айыппұл салуға.
30 АЕК мөлшерінде айыппұл салуға (сағатына 60 км және одан көп асырғаны үшін — 60 АЕК).
Алты ай мерзімге көлік құралын басқару құқығынан айыруға.
Дұрыс жауап: 30 АЕК мөлшерінде айыппұл салуға (сағатына 60 км және одан көп асырғаны үшін — 60 АЕК).
Неге бұлай
Бір жыл ішінде жылдамдықты сағатына 20–60 км-ге қайталап асырғаны үшін ӘҚБтК 592-бабының 4-бөлігі бойынша — 30 АЕК айыппұл, ал сағатына 60 км және одан көп қайталап асырғаны үшін (5-бөлік) — 60 АЕК. Назар аудар: ескі билеттерде «40 АЕК» деген жауап дұрыс болған — қазір 40 АЕК сағатына 60 км және одан көп алғаш рет асырғаны үшін айыппұл.
Белгіленген жүру жылдамдығын арттыру 1. Көлік құралының белгіленген жүру жылдамдығын сағатына оннан жиырма километрге дейінгі шамаға арттыру – бес айлық есептік көрсеткіш мөлшерінде айыппұл салуға әкеп соғады. 2. Көлік құралының белгіленген жүру жылдамдығын сағатына жиырмадан қырық километрге дейінгі шамаға арттыру – он айлық есептік көрсеткіш мөлшерінде айыппұл салуға әкеп соғады. 3. Көлік құралының белгіленген жүру жылдамдығын сағатына қырықтан алпыс километрге дейінгі шамаға арттыру – жиырма айлық есептік көрсеткіш мөлшерінде айыппұл салуға әкеп соғады. 3-1. Көлік құралының белгіленген жүру жылдамдығын сағатына алпыс және одан көп километрден астам шамаға арттыру – қырық айлық есептік көрсеткіш мөлшерінде айыппұл салуға алып келеді. 4. Осы баптың екінші және үшінші бөліктерінде көзделген, әкімшілік жаза қолданылғаннан кейін бір жыл ішінде қайталап жасалған әрекеттер – отыз айлық есептік көрсеткіш мөлшерінде айыппұл салуға әкеп соғады 5. Осы баптың 3-1-бөлігінде көзделген, әкімшілік жаза қолданылғаннан кейін бір жыл ішінде қайталап жасалған әрекет – алпыс айлық есептік көрсеткіш мөлшерінде айыппұл салуға алып келеді.
