Жүргізушінің өзі қатысушысы болған жол-көлік оқиғасы болған жерден жол жүрісі қағидаларын бұза отырып кетіп қалуы:
Авторы: Бауыржан Бакибаев, BaurAI · Жаңартылды:
100 АЕК мөлшерінде айыппұл салуға.
Көлік құралын басқару құқығынан бір жылға айыруға.
30 тәулікке әкімшілік қамаққа алуға.
Дұрыс жауап: Көлік құралын басқару құқығынан бір жылға айыруға.
Неге бұлай
ЖКО болған жерден кетіп қалғаныңыз үшін 50 АЕК мөлшерінде айыппұл салу не бір жылға көлік құралын басқару құқығынан айыру көзделген. Мұндағы ерекшелік — 100 АЕК мөлшеріндегі айыппұл немесе 30 тәулікке қамаққа алу көлік құралын басқару құқығынан айырылған не ондай құқығы жоқ адамға көзделген.
Жүргізушінің жол-көлік оқиғасына байланысты міндеттерді орындамауы 1. Осы баптың екінші бөлігінде көзделген жағдайларды қоспағанда, жүргізушінің өзі қатысушы болып табылатын жол-көлік оқиғасына байланысты Қазақстан Республикасының жол жүрісі саласындағы заңнамасында көзделген міндеттерді орындамауы – бес айлық есептік көрсеткіш мөлшерінде айыппұл салуға әкеп соғады. 2. Жүргізушінің жол жүрісі қағидаларын бұзып, өзі қатысушы болып табылған жол-көлік оқиғасы болған жерден кетіп қалуы – елу айлық есептік көрсеткіш мөлшерінде айыппұл салуға не бір жыл мерзімге көлік құралдарын басқару құқығынан айыруға алып келеді. 3. Осы баптың екінші бөлігінде көзделген, көлік құралын басқару құқығынан айырылған не көлік құралдарын басқару құқығы жоқ адам жасаған әрекет – бір жүз айлық есептік көрсеткіш мөлшерінде айыппұл салуға не отыз тәулікке әкімшілік қамаққа алуға әкеп соғады. Ескертпе. Зардап шегушіге медициналық көмек көрсетуге байланысты жол-көлік оқиғасы болған жерден кетіп қалған адам осы бап бойынша жауаптылықтан босатылады.
