Дұрыс жауап: Жедел қызмет автомобиліне жол бересіз.
Неге бұлай
Патрульдік көлік жол жиегінде көк-қызыл жарқылдауық маягын қосып тұр. Ереже (40-т.): басқалардан басымдықты тек маяк пен арнайы дыбыстық сигналдың бірге қосылуы береді — жалғыз маяк басымдық бермейді. Бұл суретте сирена бөлек салынбаған, бірақ емтихан базасында «жол беру» дұрыс деп саналады: арнайы сигналдар қосулы деп есептеледі. Емтиханда осылай жауап бер, ал өмірде есте сақта: сиренасыз маяк жол беруге міндеттемейді, бірақ мұндай көлікке әрқашан мұқият бол.
Көк және (немесе) қызыл түсті жарқылдауық маягі іске қосылған жедел және арнайы қызметтің көлік құралдарының жүргізушілері кезек күттірмейтін қызметтік тапсырманы орындау кезінде, жол жүрісі қауіпсіздігі қамтамасыз етілген жағдайда осы Қағидалардың 5 (реттеушінің сигналдарынан басқа), 8 - 18- тараудың , осы Қағидаларға 1 және 3-қосымшалардың талаптарын орындамауы мүмкін. Қозғалысқа басқа қатысушылардың алдында басымдық алуы үшін мұндай көлік құралдарының жүргізушілері көк және (немесе) қызыл түсті жарқылдауық маяк пен арнаулы дыбыстық сигналды іске қосуы тиіс. Олар өздеріне жол берілгендігіне көз жеткізгеннен кейін ғана басымдықты пайдалана алады. Бұл құқықты Қағидалардың осы тармағында белгіленген жағдайларда жедел және арнаулы қызметтердің көлік құралдары ілесіп жүретін көлік құралдарының жүргізушілері де пайдаланады.
