Елді мекеннен тыс жерде Сіз басты жолмен жүріп келесіз және басты жол бағытын өзгертпей тіке өтетін реттелмейтін жол қиылысына жақындап келесіз. Алдыңызда трактор жай жүріп барады, қарсы жолақ бос, көріну жақсы, басып озуға тыйым салатын белгілер жоқ. Сізге осы жол қиылысында қарсы жүру жолағына шыға отырып тракторды басып озуға рұқсат етіле ме?

Мынадай жағдайларда: 1) реттелетін жол қиылыстарында қарсы жүру жолағына шыға отырып; 2) реттелмейтін жол қиылыстарында бағытын өзгертетін басты жолмен (рұқсат етілген оң жағынан басып озуды қоспағанда) және басты болып табылмайтын жолмен (шеңберлі жүрісті жол қиылыстарындағы басып озуды, қапталында тіркемесі жоқ екі дөңгелекті көлік құралдарын басып озуды және рұқсат етілген оң жағынан басып озуды қоспағанда) жүру кезінде; 3) жаяу жүргіншілер өткелдерінде жаяу жүргіншілер болған кезде; 4) теміржол өтпелерінде және олардың алдында бір жүз метрден жақын жерде; 5) басып озып немесе айналып өтіп келе жатқан көлік құралын; 6) өрге көтерілу соңында және көрінуі шектеулі және (немесе) осы Қағидалардың 1-қосымшасына сәйкес 3.20 және 3.22 белгілерімен белгіленген басқа жол учаскелерінде қарсы жүру жолағына шыға отырып, басып озуға тыйым салынады.